DTF news
ಬೆಂಗಳೂರು, ಫೆ.21: ಅಮೆರಿಕದ ರಸ್ತೆಯಲ್ಲಿ ಚಲಿಸುತ್ತಿದ್ದ ಎಲೆಕ್ಟ್ರಿಕ್ ವಾಹನ ಟೆಸ್ಲಾ ಇವಿ, ಎದುರಿನ ಪೊಲೀಸ್ ವಾಹನಕ್ಕೆ ಡಿಕ್ಕಿ ಹೊಡೆದಿರುವ ವಿಡಿಯೋ ಈಗ ಬೆಳಕಿಗೆ ಬಂದಿದೆ. ಈ ವೇಳೆ ಚಾಲಕ, ಕಾರಿನಲ್ಲಿ ಸ್ವಯಂಚಾಲಿತ ಚಾಲನೆ (ಆಟೋ ಮೋಡ್) ಆನ್ ಮಾಡಿ ಮೊಬೈಲ್ನಲ್ಲಿ ಚಲನಚಿತ್ರ ವೀಕ್ಷಿಸುತ್ತಿದ್ದ ಎನ್ನಲಾಗಿದೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವಿಶ್ವಾದ್ಯಂತ ಇವಿ ಕ್ರಾಂತಿ ಮೂಡಿಸಿದ್ದ ಟೆಸ್ಲಾ ಇವಿ ಈಗ ಒಂದರ ಹಿಂದೊಂದರಂತೆ ಸಮಸ್ಯೆಗಳನ್ನು ಎದುರಿಸುತ್ತಿದೆ. ಇತ್ತೀಚಿಗೆ ನಿಂತಿದ್ದ ಪೊಲೀಸ್ ವಾಹನಕ್ಕೆ ಟೆಸ್ಲಾ ಇವಿ (EV) ಡಿಕ್ಕಿ ಹೊಡೆಯುವ ವಿಡಿಯೋ ಹೊರಬಿದ್ದಿದೆ. ಉತ್ತರ ಕೆರೊಲಿನಾದ ಅಧಿಕಾರಿಗಳು ಇತ್ತೀಚೆಗೆ ಡ್ಯಾಶ್ಕ್ಯಾಮ್ ರೆಕಾರ್ಡಿಂಗ್ ಅನ್ನು ಬಿಡುಗಡೆ ಮಾಡಿದ್ದಾರೆ. ಅದರಲ್ಲಿ ಕಾರು ಪೊಲೀಸ್ ಅಧಿಕಾರಿಯೋರ್ವರಿಗೆ ಡಿಕ್ಕಿ ಹೊಡೆಯುವುದರಲ್ಲಿತ್ತು.
ವುದನ್ನು ತೋರಿಸುವ ವಿಡಿಯೋವೊಂದು ಹೊರಬಿದ್ದಿದ್ದು, ಆಟೊಪೈಲಟ್ ಮೋಡ್ನಲ್ಲಿ ಎಲೆಕ್ಟ್ರಿಕ್ ಕಾರನ್ನು ಹಾಕಿ ಚಾಲಕ ಫೋನ್ನಲ್ಲಿ ಚಲನಚಿತ್ರವನ್ನು ವೀಕ್ಷಿಸುತ್ತಿದ್ದ ಎಂದು ಆರೋಪಿಸಲಾಗಿದೆ.
ಇದು ಟೆಸ್ಲಾ ವಾಹನ ಆಟೋಪೈಲಟ್ ಮೋಡ್ನಲ್ಲಿ ಓಡುತ್ತಿದೆ ಮತ್ತು ಹೆದ್ದಾರಿ ರಸ್ತೆಯ ಬದಿಯಲ್ಲಿ ನಿಲುಗಡೆ ಮಾಡಲಾದ ಪೊಲೀಸ್ ವಾಹನಕ್ಕೆ ಡಿಕ್ಕಿ ಹೊಡೆಯುವುದನ್ನು ತೋರಿಸುತ್ತದೆ. ವೀಡಿಯೊವನ್ನು ಯೂಟ್ಯೂಬ್ನಲ್ಲಿ ಪೋಸ್ಟ್ ಮಾಡಲಾಗಿದೆ ಮತ್ತು ಹಲವಾರು ವ್ಯೂಗಳನ್ನು ಪಡೆದುಕೊಂಡಿದೆ. ಆಗ ಹೈವೇ ಪೆಟ್ರೋಲ್ನಲ್ಲಿದ್ದ ಅಧಿಕಾರಿಯೊಬ್ಬರು ಅವರನ್ನು ತಳ್ಳಿದ್ದರಿಂದ ದೊಡ್ಡ ಅವಘಢ ತಪ್ಪಿದಂತಾಗಿದೆ. ಅಷ್ಟರಲ್ಲಿ ಟೆಸ್ಲಾ ಇವಿ ಮುಂದೆ ಹೋಗಿ ರಸ್ತೆಯ ಬದಿಯಲ್ಲಿ ಮೈಲಿ ಮಾರ್ಕರ್ ಅನ್ನು ಸ್ಲ್ಯಾಮ್ ಮಾಡಿದ್ದು, ನಂತರ ಹುಲ್ಲಿನ ಪೊದೆಗೆ ಡಿಕ್ಕಿ ಹೊಡೆದಿದೆ.
ಅಪಘಾತಕ್ಕೀಡಾದ ಟೆಸ್ಲಾ ಮಾಡೆಲ್ ಎಸ್ ಮತ್ತು ಇದನ್ನು ದೇವಿಂದರ್ ಗೋಲಿ ಎಂಬ ವೈದ್ಯರು ಓಡಿಸುತ್ತಿದ್ದರು ಎಂದು ವರದಿ ಹೇಳಿದೆ. 2020ರ ಆಗಸ್ಟ್ ನಲ್ಲಿ ಸಂಭವಿಸಿದ ಅಪಘಾತದ ಸಮಯದಲ್ಲಿ ವ್ಯಕ್ತಿಯು ಫೋನ್ನಲ್ಲಿ ಚಲನಚಿತ್ರವನ್ನು ವೀಕ್ಷಿಸುತ್ತಿದ್ದರು ಎಂದು ಆರೋಪಿಸಲಾಗಿದೆ. ಅಧಿಕಾರಿಗಳು ಈಗಾಗಲೇ ಅಪಘಾತದ ವಿಭಿನ್ನ ಪ್ರಕರಣದ ತನಿಖೆ ನಡೆಸುತ್ತಿರುವಾಗ ಈ ಘಟನೆ ಸಂಭವಿಸಿದೆ. ಉಲ್ಲೇಖಿಸಲಾದ ವ್ಯಕ್ತಿಯನ್ನು ಅಪಘಾತಕ್ಕಾಗಿ ಬಂಧಿಸಲಾಗಿದೆ.
ಕಳೆದ ವರ್ಷ ಸೆಪ್ಟೆಂಬರ್ನಲ್ಲಿ, ಫ್ಲೋರಿಡಾದಲ್ಲಿ ಇದೇ ರೀತಿಯ ಘಟನೆ ನಡೆದಿದ್ದು, ಪೊಲೀಸ್ ವಾಹನಕ್ಕೆ ಟೆಸ್ಲಾ ಮಾಡೆಲ್ 3 ಇವಿ ಹಿಂಬದಿಯಿಂದ ಡಿಕ್ಕಿ ಹೊಡೆದಿತ್ತು. ಈ ವೇಳೆ ಅಧಿಕಾರಿಗಳು ತಮ್ಮ ವಾಹನವನ್ನು ಮತ್ತೊಬ್ಬ ಚಾಲಕನಿಗೆ ಸಹಾಯ ಮಾಡಲು ನಿಲ್ಲಿಸಿದ್ದರು.
ಈ ಹಿಂದೆ ಕೂಡ ಟೆಸ್ಲಾ ಅನೇಕ ಕಾರಣಗಳಿಗಾಗಿ ಈಗಾಗಲೇ ಮಾರಾಟವಾಗಿರುವ ತಮ್ಮ ಅನೇಕ ವಾಹನಗಳನ್ನು ಹಿಂದಕ್ಕೆ ಪಡೆದಿವೆ. ಈಗಾಗಲೇ ಅಮೆರಿಕ ರಸ್ತೆ ಸುರಕ್ಷತಾ ಮತ್ತು ಹೆದ್ದಾರಿ ಪ್ರಾಧಿಕಾರ ಕೂಡ ಹಲವು ಪ್ರಕರಣಗಳನ್ನು ದಾಖಲಿಸಿದೆ.